İsrailin kəşfiyyat xidməti MOSSAD İran və Livan ərazisində həyata keçirdiyi əməliyyatlar vasitəsilə dəyərli kəşfiyyat məlumatları əldə edib.

Axar.az xəbər verir ki, bu barədə MOSSAD rəhbəri David Barnea bildirib.

Onun sözlərinə görə, MOSSAD həm strateji, həm də taktiki səviyyədə mühüm kəşfiyyat uğurlarına nail olub və düşmənin ən məxfi məlumatlarına çıxış əldə edib:

“Agentlik hədəf ölkələrdə yeni və daha əvvəl görünməmiş əməliyyat imkanları nümayiş etdirib. Son illərdə qurumun fəaliyyətində dəyişiklik baş verib və təşkilat müharibə dövründə daha aktiv və hücum yönümlü kəşfiyyat strukturu kimi formalaşdırılıb. Əvvəllər əsas diqqət gizli əməliyyatlara və münaqişələrarası dövrə yönəlirdisə, hazırda daha çevik və genişmiqyaslı fəaliyyət modelinə keçid edilib.

İran və Livana qarşı əməliyyatlar yeni bölmələrin yaradılması, ixtisaslaşmış imkanların formalaşdırılması və müasir texnologiyaların tətbiqi hesabına həyata keçirilir”.