Böyük Vətən müharibəsində qələbənin 81-ci ildönümü münasibətilə 9 may 2026-cı ildə Moskvanın Qırmızı meydanında hərbi parad keçiriləcək.

Axar.az xəbər verir ki, bu barədə Rusiya Müdafiə Nazirliyi məlumat yayıb.

“Müdafiə Nazirliyinin parad düzülüşünə Rusiya Silahlı Qüvvələrinin bütün qollarının ali hərbi təhsil müəssisələrindən və əlahiddə bölmələrindən piyadalar daxil olacaq. Bu il paradda Suvorov və Naximov hərbi məktəblərinin kursantları, kadet korpusu və ya hərbi texnika karvanı iştirak etməyəcək. Bu, mövcud əməliyyat şəraiti ilə əlaqədardır. Parad yayımı zamanı izləyicilər Silahlı Qüvvələrin şəxsi heyətinin xüsusi hərbi əməliyyat zonasında tapşırıqları yerinə yetirməsini izləyəcəklər. Paradın hava şousu hissəsində Rusiya komandalarının təyyarələri Qırmızı meydan üzərindən uçacaq. Paradın sonunda Su-25 hücum təyyarələrinin pilotları Moskva səmasını Rusiya bayrağının rənglərinə boyayacaqlar”, - məlumatda deyilib.