Londonda yəhudi icmasının üzvlərinə hücum baş verib, nəticədə üç nəfər yüngül xəsarət alıb.

Axar.az xəbər verir ki, bu barədə London polisinin mətbuat xidməti bildirib.

"Şənbə günü Enfilddəki Sautberi Yolunda yəhudi icmasının üzvlərini təqib, təhdid və hücum etdiyi ehtimal edilən bir kişi haqqında məlumat verilib. 30 yaşdan yuxarı bir kişi həbs olunaraq bölməyə aparılıb və ona qarşı ittiham irəli sürülüb", - deyə məlumatda qeyd olunub.

Vurğulanıb ki, 58 və 26 yaşlı iki kişi və 53 yaşlı bir qadın əlavə tibbi müalicə tələb etməyən xəsarətlər alıblar.

Polis əlavə edib ki, saxlanılan şəxs Londonun Hornçörç şəhərinin sakini olan 34 yaşlı Dilan Osseydir.