Ermənistan Rusiyanın maraqlarına zərər vermək niyyətində deyil.

Axar.az xəbər verir ki, bunu Ermənistanın Baş nazir Nikol Paşinyan Loridə keçirilən seçki kampaniyası zamanı deyib.

“Sizə birbaşa deyəcəyəm. Rusiya ilə münasibətlərimizdə heç bir kəskin addım atmayacağıq. Rusiya prezidenti ilə münasibətlərimizi dərinləşdirəcəyik, sözün əsl mənasında dostluq münasibətlərim var. 2018-ci ildən indiyə qədər Rusiya prezidenti digər liderlərlə məndən daha az təmasda olub. Bu müddət ərzində təxminən 200 telefon danışığı aparmışıq. Rusiya Nazirlər Kabinetinin rəhbəri ilə çox isti və dost münasibətlərim var. Və ümumiyyətlə, Rusiyaya münasibət çox istidir”, - o bildirib.

Onun sözlərinə görə, müxalifət Rusiya ilə bərabərhüquqlu münasibətlərdən danışır, lakin Rusiya supergücdür və ona hörmətlə yanaşmaq lazımdır:

“Onlara deyirəm ki, Rusiyanın maraqlarına xələl gətirəcək heç nə etməmişik və etməyəcəyik. Rusiyanın maraqlarına lazımi hörmətlə yanaşırıq. Amma biz öz maraqlarımızı Rusiyanın maraqlarından aşağı qoya bilmərik, bu, qanuni bir mövqedir. Rusiyalı tərəfdaşlarımızla qarşıdurmaya və ya mübahisəyə girmədən Ermənistanın maraqlarını təmin edəcəyik, ən yüksək səviyyədə dialoq davam edəcək”.

Qeyd edək ki, az öncə Rusiya XİN-in sözçüsü Mariya Zaxarova Nikol Paşinyanı riyakarlıqda ittiham edib.