İranın yeni elan etdiyi "Fars Körfəzi Boğazı İdarəsi" (PGSA) Hörmüz boğazında nəzarətli dəniz zonası yaradıb.

Axar.az xəbər verir ki, bu barədə idarənin yaydığı bəyanatda qeyd olunub.

“İran İslam Respublikası Hörmüz boğazının idarə olunması üçün tənzimləyici yurisdiksiyanı bu cür müəyyən edib: İrandakı Kuh-e Mübarəklə BƏƏ-nin Füceyrə şəhərinin cənubunu boğazın şərq girişində birləşdirən xətdən İrandakı Qeşm adasının ucunu qərb girişində BƏƏ-nin Ümm əl-Küveyni ilə birləşdirən xəttə qədər.

Hörmüz boğazından keçmək məqsədilə bu ərazidən tranzit Fars Körfəzi Boğazı İdarəsi ilə koordinasiya və icazə tələb edir”, - bəyanatda bildirilib.