09:53

Ermənistanda parlamentə seçkilər başlayıb.

Axar.az xəbər verir ki, yerli vaxtla saat 8:00-da ölkə üzrə 2500 seçki məntəqəsi açılıb.

Mərkəzi Seçki Komissiyası seçkilərdə iştirak etmək üçün 16 partiya və iki blok qeydiyyatdan keçirib.

Əsas mübarizə Baş nazir Nikol Paşinyanın Mülki Müqavilə Partiyası, Samvel Karapetyanın Güclü Ermənistan Partiyası və keçmiş prezident Robert Köçəryanın “Ermənistan” bloku arasında gedəcək.

Seçki məntəqələri saat 20:00-da bağlanacaq. Ermənistan Mərkəzi Seçki Komissiyası ilkin nəticələri ertəsi gün, yekun nəticələri isə yeddinci gündən gec olmayaraq açıqlayacaq.

Rəsmi məlumatlara görə, 2,5 milyon vətəndaş səs vermək hüququna malikdir.

***

Ermənistan keçirilən parlament seçkilərdə səsvermə başa çatıb. Ölkə üzrə 2005 seçki məntəqəsi saat 20:00-da bağlanıb.

1.224.957 vətəndaşın səs verdiyi bildirilib.

Müşahidəçilər əvvəlki iki parlament seçkiləri ilə müqayisədə nisbətən yüksək fəallığın olduğunu qeyd edirlər.