2026.06.07. 23:24

Ermənistan Mərkəzi Seçki Komissiyasının sədri Vaaqn Hovakimyan ötən gün baş tutan parlament seçkilərinin nəticələrini elan edib.

Axar.az xəbər verir ki, o, ümumilikdə Ermənistanda 2 milyon 507 min 216 seçici olduğunu, seçkilərdə 1 milyon 477 736 (58.94%) nəfərin iştirak etdiyini bildirib.

Onun sözlərinə görə, etibarsız bülletenlərin sayı 17.097-dir.

MSK sədri bundan əvvəl elan olunandan fərqli olaraq, Çiçəklənən Ermənistan Partiyasının (Qagik Çarukyan) 4%-lik baryeri keçmədiyini və mandat qazanmadığını da vurğulayıb.

Son nəticə belədir:

Mülki Müqavilə (Nikol Paşinyanın partiyası) - 49.825%

Güclü Ermənistan (Rusiyalı oliqarx Samvel Karapetyanın partiyası) - 23.281%

"Ermənistan" bloku (Robert Köçəryan) - 9,934%

Çiçəklənən Ermənistan (Qagik Çarukyanın partiyası) - 3,996%.

Qeyd edək ki, Ermənistanda 7 iyunda baş tutan parlament seçkilərində 18 siyasi qurum (16 partiya və iki blok) iştirak edib.