İranla müharibədə yüksək dəqiqlikli sursatların və hava hücumundan müdafiə raketlərinin sürətlə tükənməsi səbəbindən Donald Tramp administrasiyası daxilində ciddi narazılıq yaranıb.

Axar.az xəbər verir ki, bu barədə CBS məlumat yayıb.

Nəşrin məlumatına görə, Amerika kəşfiyyatı və hərbi rütbəliləri ABŞ-ın yüksək dəqiqlikli sursat istehlakının hazırkı səviyyəsini uzun müddət saxlaya bilməyəcəyini bildirir.

Müdafiə sənayesi bazası Mərkəzi Komandanlığın arsenalını tez bir zamanda doldurmaq qabiliyyətinə malik deyil.

Ən böyük narahatlıq Fars körfəzində İran hücumlarını dəf etmək üçün fəal şəkildə istifadə edilən "Patriot" və THAAD raketlərinin sürətlə azalması ilə bağlıdır.

Buna görə də Pentaqon raketləri digər bölgələrdən, xüsusən də Hind-Sakit okean regionundan köçürməyə məcburdur ki, bu da Çini Tayvan ətrafından çəkindirmək hazırlığını zəiflədir.