2026.08.01 - 22:53

Bu gün Moskvanın mərkəzindəki Kudrinskaya meydanında yerləşən restoranda güclü partlayış baş verib.

Axar.az xəbər verir ki, bu barədə TASS məlumat yayıb.

Bildirilib ki, partlayış nəticəsində 3 nəfər ölüb, 15 nəfər yaralanıb.

Partlayışın səbəbi hələlik açıqlanmayıb.

***

"Balzi Rossi" restoranındakı partlayış nəticəsində yaralıların sayı 20-yə çatıb.

***

Kudrinskaya meydanındakı restoranda əldəqayırma partlayıcı qurğu partladılıb.

Bu barədə ölkənin Milli Terrorla Mübarizə Komitəsinin Məlumat Mərkəzindən bildirilib.

“Əldəqayırma partlayıcı qurğunun partladılması nəticəsində 3 nəfər həlak olub, 21 nəfər yaralanıb. Ölənlərdən biri partlayıcı qurğunu restorana keçirməyə cəhd etməkdə şübhəli bilinən naməlum qadının qarşısını alan mühafizəçi, digərləri isə həmin qadın və müştəridir", - məlumatda vurğulanıb.

Hadisə ilə bağlı əməliyyat-axtarış tədbirləri və istintaq hərəkətləri həyata keçirilir.

***

Rusiya mediasının məlumatına görə, ölənlərin sayı 5-ə çatıb.