İran rejimi müharibə zamanı devrilməyəcək.

Axar.az xəbər verir ki, bunu İsrailin maliyyə naziri Bezalel Smotriç deyib.

“İsrail və ABŞ təyyarələri İran üzərində uçarkən İran xalqının küçələrə çıxması mümkün deyildi, çünki bu, düşmənlə eyni mövqedə görünmək kimi qiymətləndirilə bilərdi.

Əsas diqqət iqtisadi təzyiqə yönəlməlidir. İqtisadiyyat, iqtisadiyyat, iqtisadiyyat... Sonda rejimi məhz bu çökdürəcək. Elə bir məqam yetişə bilər ki, İran vətəndaşları artıq itirəcəkləri heç nəyin qalmadığını hiss etsinlər. Bu baş verdikdə qorxu maneə olmaqdan çıxacaq. İnsanlar küçələrə çıxacaq, üsyan edəcək və rejimi devirəcəklər”, - o bildirib.