Çin ordusu süni intellekti getdikcə hərbi komandanlığa inteqrasiya edir, eyni zamanda rəsmi olaraq əvəzolunmaz adlandırdığı təcrübəli komandirlərini itirir.

Axar.az xəbər verir ki, bu barədə Aoyama Universitetinin (Yaponiya) beynəlxalq münasibətlər professoru Jehvan Lim yazır.

Müəllif qeyd edir ki, son illərdə "Xalq Azadlıq Ordusu" qəzeti süni intellektin məlumatları təhlil edə, qərar qəbuletmə variantları yarada və məlumatların qəbulu ilə hərəkət arasındakı vaxtı azalda biləcəyini müntəzəm olaraq vurğulayır, lakin bildirir ki, son qərar insanlara aid olmalıdır.

Müəllif 2026-cı ilin mart ayında "Foreign Affairs" jurnalında dərc olunmuş bir araşdırmaya istinad edir və ona əsasən Çin ordusu artıq süni intellekti silahdan atış, kiber əməliyyatlar, sualtı müşahidə və qərar qəbuletmə üçün aktiv şəkildə sınaqdan keçirir.

Tədqiqatçıların nəzəriyyələrindən biri budur ki, Çin rəhbərliyi süni intellektdən bəzi zabit korpuslarının zəifliyini və qeyri-kafi təcrübəsini kompensasiya etmək üçün bir yol kimi istifadə edə bilər.