ABŞ Senatının Beynəlxalq Münasibətlər Komitəsi daha çox İrana qarşı sanksiyalara doğru istiqamətlənib.

Axar.az xəbər verir ki, bu barədə informasiyanı “Politiko” qəzeti yayıb.

Qəzet komitənin bundan sonrakı dövrdə Rusiyaya qarşı yeni sanksiyalar hazırlamaq niyyətində olmadığını bildirib.

Komitənin rəhbəri Bob Korker qəzetə açıqlamasında senatorların Rusiyaya qarşı müqavimət göstərmək niyyətində olduqlarını, amma bunun üçün məhdudlaşdırıcı tədbirlərdən istifadə etməyəcəklərini bəyan edib.

Senatorlar həmçinin Rusiyanın ABŞ-dakı seçkilərə müdaxiləsi ilə bağlı araşdırmanın da nəticələrini gözləyirlər. Yalnız bundan sonra Moskva ilə bağlı qərar qəbul olunacaq.