Əfqanıstan Rusiya ilə ABŞ arasında yeni qarşıdurma məkanına çevrilib.

Axar.az xəbər verir ki, bunu “Rosbalt” agentliyinə açıqlamasında rusiyalı hərbi ekspert Pavel Felgenhauer söyləyib.

“Rusiya bir tərəfdən Talibanla danışıqlar aparıldığını təsdiqləyir, digər tərəfdən isə amerikalıların Rusiyanın Talibana silah satması ilə bağlı iddialarını təkzib edir. Əfqanıstanın ikinci Suriya olması ehtimalı azdır. Ona görə ki, burada tamam başqa geosiyasi situasiya var. Belə bir savaş buradakı oyunçuların heç birinə lazım deyil. Rusiyanı Əfqanıstan yalnız oradan qeyri-stabilliyin və radikal islamın keçmiş sovet ərazisi olan Mərkəzi Asiyaya ixrac edilməməsi üçün lazımdır. Biz Əfqanıstanda Amerika ilə əməkdaşlıq etmirik. Orada yeganə dostumuz antiamerika yönümlü Talibandır”, – deyə o bildirib.