O, göstərişi sevən və tribunalarda oynayan biri idi.

Axar.az xəbər verir ki, bu sözləri ABŞ Prezidenti Donald Tramp yerli NBC televiziyasına vəzifədən uzaqlaşdırdığı Federal Təhqiqatlar Bürosunun direktoru Ceyms Komi haqda danışarkən deyib.

“ABŞ Ədliyyə Nazirliyinin səlahiyyətliləri bu istiqamətdə mənə tövsiyə etməsələr belə, mən onu işdən azad etməli idim. Hazırda FTB-da qarışıqlıq hökm sürür. Amma Komiyə qarşı təzyiq edilməsi haqda iddialar tamamilə yanlışdır”, - deyə o bildirib.

Qeyd edək ki, Tramp Ceyms Komini FTB-ni effektiv idarə etməməkdə günahlandıraraq istefaya göndərib. Bu qərardan sonra ABŞ mediasında Kominin işdən çıxarılmasına səbəb kimi Trampın seçki prosesi zamanı Rusiya müdaxiləsi ilə bağlı yeni araşdırmalara başlamaq istəyi göstərilib.

Bundan sonra Rusiya Federasiya Şurasının Beynəlxalq Əlaqələr Komitəsinin rəhbəri Konstantin Kosaçev çıxış edərək, Kominin işdən uzaqlaşdırılmasının Rusiya izi və Moskva-Tramp əlaqəsi haqda yayılmış iddialarla heç bir bağlılığının olmadığını bildirib.