Rusiya öz ərazisində qoşunlarını istədiyi kimi yerləşdirmək ixtiyarına sahibdir.

Axar.az xəbər verir ki, bu sözləri Kremlin mətbuat katibi Dmitri Peskov Ukrayna ilə sərhəddə qüvvələrin gücləndirilməsi və atılan bu addımın məqsədi ilə bağlı suallara cavab verərkən deyib:

“Rusiya Federasiyası məqsədəuyğun hesab etdiyi halda, öz ərazisində hərbi qüvvələrin konfiqurasiyasını istədiyi kimi dəyişə bilər. İstənilən halda bu tip sualları Müdafiə Nazirliyindəki həmkarlarımıza ünvanlamaq daha yaxşı olar”.

Xatırladaq ki, Ukrayna tərəfi Rusiyanın sərhəd bölgəsinə qoşun yığaraq sürətli əməliyyatlar keçirməyə hazırlaşdığını açıqlamışdı.