Siciliyanın Palermo şəhərində İtaliya xüsusi-təyinatlıları məşhur mafiya qruplaşması "Koza Nostra"ya qarşı əməliyyat keçirib.

Axar.az xəbər verir ki, əməliyyat zamanı qruplaşmanın 31 üzvü saxlanılıb.

Polisdən verilən məlumata görə, saxlanılanlar bir neçə ağır cinayətdə ittiham olunurlar. Onların siyahısında qətl, sui-qəsd, adam oğurluğu, şantaj və quldurluq kimi cinayətlər var. Bundan başqa həbs olunanlar qanunsuz silah saxlamaq, qəsdən əmlaka zərər vurmaq maddəsilə də ittiham olunurlar.

Əməliyyat "Koza Nostra"nın tarixi vətəni olan Bageriyada keçirilib. Məhz bu kiçik şəhərcikdə mafiyanın iki ən təhlükəli başçısı yaşayıb.