Feysbuk sosial şəbəkəsinin əməliyyat direktoru Şeril Sendberq istifadəçilər üzərində gizli psixoloji təcrübə apardıqları üçün üzr istəyib.

Axar.az məlumat verir ki, şirkət menecerinin sözlərinə görə, bu sınaq testi müxtəlif məhsulların yoxlanması ilə məşğul olan araşdırma şirkətləri üçün standart prosesdir, lakin bu, istifadəçilərə düzgün açıqlanmayıb. Elə buna görə də Sendberq üzr istəyib.

"Biz sizi üzmək istəmirdik", - o, istifadəçilərə belə müraciət edib.

Test 2012-ci ildə aparılıb və demək olar ki, 700 min istifadəçiyə zərər gətirib. Sosial şəbəkənin bu tip araşdırması istifadəçilər arasında son dərəcə mənfi reaksiyaya səbəb olub.

"Biz şəxsi məlumatların və təhlükəsizliyin qorunmasına ciddi şəkildə nəzarət edirik", - Sendberq əlavə edib.