Britaniyanın sığorta şirkəti qadınları qəzəbləndirəcək təklif irəli sürüb.

Axar.az xəbər verir ki, Şilas vils ("Sheilas wheels") sığorta şirkəti avtomobil yollarında qadın sürücülər üçün ayrıca hərəkət zolağının yaradılmasını təklif edib.

Sığortaçıların fikrincə, qadınlar üçün ayrılan yol zolağı çəhrayı rəngə boyamalı və yola xüsusi nişanlar vurmalıdır. Onlar iddia edirlər ki, bu addım yollarda qəzaların sayını və müxtəlif cinslərdən olan sürücülərin mübahisələrini azaldacaq.

Sığorta şirkəti bəzi estakadaların tamamilə qadınların sərəncamına verməsini də təklif edib. Layihənin müəllifləri hesab edir ki, ictimai nəqliyyatda olduğu kimi, istirahət və bayram günlərində bu yollar da bütün təbəqələrə açıq ola bilər.

Layihənin ilkin dəyəri 880 milyon funt-sterlinq (1,5 milyard) həcmində qiymətləndirilir. Şirkətin təklifinin sığorta hadisələrini azaltmaq və mübahisələrin qarşısını almaq məqsədi daşımasına baxmayaraq, təklif bir qədər qeyri-ciddi qarşılanıb. Bu isə şirkətin narazılığına səbəb olub.

Qeyd edək ki, Şilas vils ("Sheilas wheels") sığorta şirkəti dünyada yeganə şirkətdir ki, avtomobillərdən oğurlanmış qadın çantasına görə kompensasiya təklif edir. Bundan başqa, şirkət 2008-ci ildə xüsusi olaraq qadınlar üçün mənzil sığortası, 2010-ci ildə isə qadın səyahətçilər üçün sığorta məhsullarının satışına başlayıb.