Mixail Qorbaçov "Kremldən sonrakı həyat" adlı kitab yazıb.

Axar.az İTAR-TASS-a istinadən bildirir ki, müəllif bu əsəri ilə SSRİ-dəki yenidənqurmanı müşayiət edən bütün uydurma və böhtanlar buludunu dağıtmağa çalışıb. Onun sözlərinə görə, müxtəlif iftiralrı əks etdirən çoxlu sayda kitab və araşdırmalar meydana çıxıb. "Mən deyərdim ki, bu, xaosdur, gerçək olayların işıqlandırılması deyil", - deyə Qorbaçov qeyd edib.

Müəllif Kremli tərk etdikdən sonra bir daha yenidənqurma dövrünə qiymət verməyə çalışıb. "Hakimiyyətdə olan insan – tam başqadır, onun şansı, imkanları var, hakimiyyətdən sonra isə çox şey dəyişir. Ancaq fərqi yoxdur, mən Kremli tərk edəndən sonra da öz baxışlarımı müdafiə etməyə çalışmışam, bundan sonra da çalışacam. Mən əmin insanam, haqlı olduğuma inanıram". Keçmiş dövlət başçısı xatırladıb ki, yenidənqurma başlayanda "uşaqdan tutmuş böyüyədək hamı məni dəstəkləyirdi".

Adı xalqımızın tarixinə silinməz qara izlərlə yazılmış bu dövlət məmurunun kitabında çox güman ki, Azərbaycanla əlaqəli sətirlər də yer alacaq. Maraqlananlar kitabı sentyabr-oktyabr aylarında əldə edə biləcəklər.