Şimon Peres Qatar və Türkiyəyə sərt iqtisadi sanksiyaların tətbiq olunmasını tələb edib.

Axar.az xəbər verir ki, İsrailin sabiq prezidenti Peres tələbinə əsas kimi qeyd edilən ölkələrin terrorçulara dəstək verməsini göstərib.

Şimon Peres Terrorla Mübarizə İnistutunda təşkil edilən 14-cü beynəlxalq konfransın açılışında çıxışı zamanı beynəlxalq cəmiyyətin terror ilə mübarizəsinə İsrailin də daxil etməsinin lazım olduğunu söyləyib.

Peres terrorun ərəb dünyasını parçaladığını və terrorçulara dəstək verən ölkələrin cəzalandırılmasının vacib olduğunu vurğulayıb. Sabiq prezident həmçinin çıxışında terrora və HƏMAS-a qarşı sərt sözlər səsləndirdiyi üçün Fələstin Prezidenti Mahmud Abbası tərifləyib.