İŞİD təhlükəsinə qarşı Suriyadan Türkiyəyə axışan qaçqınların sayı gündən-günə artmaqdadır.

Axar.az xəbər verir ki, doğma yurdundan qaçan insanlar arasında ən yaşlı insanın 110 yaşı olduğu açıqlanıb.

Doğulduğu torpaqlardan heç vaxt ayrılmayan 110 yaşlı Əlif nənə 15 uşaq anası olduğunu, terrorçuların hücumundan sonra baş götürüb qaçdıqlarını bildirib.

Suriyalı kürdlərdən olan Əlif Şeyx Məhəmməd 110 illik ömründə ilk dəfədir ki, Türkiyəyə gəldiyini deyib.

Xatırladaq ki, qarşıdurmalar başlayandan bəri Suriyadan Türkiyəyə keçən qaçqınların sayı 2 milyonu ötüb.