Ana səhifə Planet |
09:06
Yeni Zelandiyanın Kraystçerç şəhərindəki iki məsciddə atışma baş verib.
Axar.az xəbər verir ki, məlumatı “Nyu Zeland Herald” qəzeti yayıb. İnsident nəticəsində 27 nəfər ölüb.
İlk hücum şəhərin Linvud yaşayış məntəqəsində baş verib. Hücum zamanı məsciddə 300 nəfər olub. Şahidlər hücumu həyata keçirən şəxsin başında, gözündə eynək olan ağdərili olduğunu bildiriblər. Hücum zamanı onun həmçinin canlı yayım apardığı da vurğulanıb.
Şəxsin hücumdan öncə 37 səhifəlik manifest yayımladığı və öz addımını terakt adlandırdığı da açıqlanıb.
“1 Nyus” televiziyası isə həmin gün başqa bir məscidə, eyni zamanda xəstəxanaya hücum həyata keçirildiyi barədə məlumat yayıb.
Yeni Zelandiya polis komissarı Mayk Buş isə hücumla əlaqədar 4 nəfərin saxlanıldığını deyib. Onun sözlərinə görə, 4 şübhəlinin saxlanılması zamanı polis mütləq cəsarət nümayiş etdirib.
***
Yeni Zelandiyanın Kraystçerç şəhərindəki iki məciddə baş verən atışma zamanı ölənlərin sayı 40-a çatıb.
Bu barədə ölkə KİV-ləri məlumat yayıb.
Xəstəxanalarda 48 nəfər yaralının olduğu deyilir.
***
Yeni Zelandiyadakı dəhşətli terakt nəticəsində ölənlərin sayı 49 nəfərə çatıb.
Türkiyənin Yeni Zelandiyadakı səfiri Əhməd Ərgin ölənlər arasında türk vətəndaşının olmadığını, lakin iki türkün yüngül yaralandığını bildirib.
Tarix
2019.03.15 / 15:08
|
Müəllif
İlkin Həsənov
|