Rusiya Liberal Demokrat Partiyasının sədri Vladimir Jirinovski Notr-Dam kilsəsinin bərpasına görə rusların yardım təkliflərini tənqid edib.

Axar.az xəbər verir ki, Jirinovski Notr-Dam kilsəsi yerinə rusları Rusiya kilsələrini bərpa etməyə çağırıb.

“Ən məşhur kilsə olduğu üçü bu, fransızların xoşuna gəlmir. Bəs bizə nə olub? Dərhal hansısa yardım təklif etməyə başlayırıq. Fransızlar Moskvanı yandırıb, ölkənin yarısını talayıb, minlərlə insanı öldürməyiblərmi? Unutmusunuz bunu? Hər ölkədə yanğınlar olur. Bizim müharibə zamanı və ya bolşeviklər tərəfindən dağıdılan çoxlu sayda kilsələrimiz var. Gəlin, onları bərpa edək. Biz isə ilk növbədə dərhal xaricilərə can atırıq. Mən bunu doğru hesab etmirəm”, – deyə o bildirib.