İspan kralı VI Filipin yeni sərəncamına əsasən, onun ailə üzvləri bahalı hədiyyə ala və pulsuz xidmətdən istifadə edə bilməyəcəklər.

Axar.az RİA Novosti-yə istinadla bildirir ki, söhbət xüsusilə güzəştli kreditlərdən və ya təyyarəyə pulsuz bilet alışından, eləcə də adi, sosial və ya xeyriyyə hədlərini aşan istənilən digər hədiyyələrdən gedir.

Beləliklə, İspaniyanın hazırkı kralı heç vaxt atası Xuan Karlos tək dəyəri 10 milyon avro olan "Fortuna" yaxtası və ya 2011-ci ildə Ərəb Əmirliklərinin baş nazirinin bağışladığı iki "Ferrari" kimi hədiyyə ala bilməyəcək. Yeri gəlmişkən, avtomobillərdən biri artıq dövlətə təhvil verilib (ümumxalq malı elan edilib), ikincisi isə tezliklə bütün ispanların malı elan ediləcək.

Kral ailəsi üçün yeni qaydalar 1 yanvar 2015-ci ildən qüvvəyə minəcək və kralın bacıları istisna olmaqla bütün ailə üzvlərinə şamil ediləcək. Ancaq bacılar da ictimai tədbirlərdə bahalı hədiyyələr qəbul edərsə, onlar ümumxalq malı elan ediləcək.

Hədiyyələrin dəyərinə məhdudiyyət qoyulmayıb, son söz kralın olacaq, məhz hansı hədiyyənin "bahalı" hesab oluna biləcəyinə o qərar verəcək. Hökumətin yüksək rütbəli üzvlərinə, eləcə də yerli hakimiyyət orqanlarının rəhbərlərinə qarşı analoji tədbirlər dekabrın 10-dan qüvvəyə minəcək.