Ramazan Abdulatipovun vəziyyəti getdikcə ağırlaşır.

Bu barədə Axar.az-a Dərbənddəki etibarlı mənbədən məlumat daxil olub.

Mənbə prezidentin qardaşının həbs olunmasının onun imicinə pis təsir etdiyini deyib. Belə ki, Abdulatipovun artıq Kremldə etibarını itirdiyi bildirilib. Üstəlik, azərbaycanlı və ləzgi klanlarının prezidentə etirazı onun nüfuzunu azaldıb.

Bölgədə marağı olan oliqarxlar da Abdulatipovdan narazıdır. Mənbə Putinin Qafqazda xüsusi nümayəndəsi olan Sergey Məlikovun, eləcə də ləzgi milyarder Süleyman Kərimovun bu siyahıda yer aldığını bildirib. Prezidentlə razılaşmayanlar sırasında azərbaycanlı iş adamları da var.

Mənbəmizin digər məlumatında isə azərbaycanlı məmurlara qarşı təzyiqlərin artdığı söylənilib. Dərbəndlə yanaşı, azərbaycanlılar olan digər bölgələrdə də soydaşlarımızın vəzifələrdən uzaqlaşdırıldığı deyilib.