Fransa Baş naziri Sebastyan Lekornu toqquşmalar, talanlar və vandalizmlə müşayiət olunan kütləvi etirazlar fonunda prefektlərdən qismən və lokal komendant saatı tətbiq etmələrini istəyib.

Axar.az xəbər verir ki, bu barədə BFMTV məlumat yayıb.

Məlumata görə, o, bu açıqlamanı Daxili İşlər Nazirliyində keçirilən böhran iclasından sonra verib.

Məhdudiyyətlərin bazar ertəsi axşamı tətbiq edilməsi planlaşdırılır. Komendant saatının qüvvədə olacağı ərazilərin xəritəsi merlərlə məsləhətləşmələrdən sonra dərc olunacaq.

Lekornu fövqəladə vəziyyət elan edilməsini istisna etməyib, lakin hələlik lokal məhdudiyyətlərin daha məqsədəuyğun olduğuna inanır. O, həmçinin zorakılıq və talanlarda iştirak edənlərə qarşı hüquqi tədbirlərin görüləcəyini açıqlayıb.

Qeyd edək ki, Fransada bir neçə gündür aksiyalar və iğtişaşlar davam edir.