Türkiyə Prezidenti Rəcəb Tayyib Ərdoğan ABŞ-da üç müsəlman gəncin öldürülməsinə münasibət bildirərək Prezident Barak Obamanı tənqid edib.

Axar.az bildirir ki, Meksikaya səfəri zamanı Obamaya səslənən Ərdoğan "Cənab prezident, hara baxırsan?" - deyə soruşub.

Hazırda ABŞ-a çox yaxın olduğunu deyən Ərdoğan üç müsəlman gəncin öldürülməsini bu ölkədə müsəlmanlara qarşı ayrı-seçkilik kimi dəyərləndirib:

"Bir mövzudan danışmadan keçə bilmərəm. Hazırda ABŞ-a çox yaxın olduğum üçün bunu burada ifadə etmək məcburiyyətindəyəm. Karolinada 3 müsəlmanın öldürülməsindən sonra Prezident Obamanın, cənab Kerrinin və Baydenin bu ana qədər heç bir şərh verməməsi çox mənalıdır. Bu insanlar terrorist deyil. Bu 3 insan suriyalıdır. 3 qardaş evlərində öldürülür və ölkədən məsul olan prezident onlarla bağlı heç bir şərh vermir. Mən cənab Obamaya səslənirəm: Hara baxırsan prezident? Dövlət Departamentinin rəhbərinə, Baydenə sələnirəm: Haradasınız?".