"Afərin, Elnur. Gənc istedadımızın qələbəsi hamımızı ürəkdən sevindirdi, hamıya böyük bir ruh verdi".

Axar.az xəbər verir ki, bu sözləri millət vəkili Aydın Mirzəzadə Feysbuk sosial şəbəkəsindəki şəxsi hesabında yazıb.

"Elnurun qələbəsi hamımızın qələbəsidir.

Dünən tanınmış Azərbaycan müğənnisi, gənclərimizin kumiri Elnur Hüseynov Türkiyədə keçirilən "O səs Türkiyə"nin final gecəsində səhnəyə çıxdı.

Ebru Gündeşin komandasında yarışan Elnur bu dəfə "O Sole Mio" opera əsərini səsləndirib. Həmyerlimizin rəqibi Kaya Aslantəpə olub.

Elnur tamaşaçı səsverməsi nəticəsində ən çox səs toplayaraq "O səs Türkiyə"nin qalibi adına layiq görülüb.

Afərin, Elnur.

Gənc istedadımızın qələbəsi hamımızı ürəkdən sevindirdi, hamıya böyük bir ruh verdi. Bu, Elnurun istedadının, musiqi duyumunun, səhnə mədəniyyətinin qələbəsi idi.

Bu, Azərbaycan mədəniyyətinin, Azərbaycan ruhunun qələbəsi idi.

Bu, Azərbaycan səsinin xaricdə də məmnuniyyətlə dinlənməsinin qələbəsi idi.

Bu, ən əsası Azərbaycan-Türkiyə birliyinin qələbəsi, türk xalqları qardaşlığının, bir-birinə məhəbbətinin qələbəsi idi. Biz birlikdə güclüyük.

Həmişə qələbələrdə!"

Xatırladaq ki, dünən gecə Türkiyədə keçirilən "O səs Türkiyə" musiqi yarışmasında həmyerlimiz Elnur Hüseynov qalib olub.