"İran heç bir şəkildə xarici ölkələrin regionun işlərinə müdaxilə etməsinə səssiz qalmayacaq".

Axar.az xəbər verir ki, bu açıqlama ilə İranın Müdafiə Naziri general-mayor Hüseyn Dehqan çıxış edib. O, İranın region ölkələrinin torpağına və ehtiyatlarına göz dikmədiyini deyib:

"İran hazırda regionun təhlükəsizliyini təmin edə və ona zəmanət verə biləcək iqtidara malikdir. Biz heç vaxt və heç bir şəraitdə region ölkələrinin ərazilərinə və ehtiyatlarına göz dikməmişik. Region ölkələri regional koalisiya çərçivəsində öz təhlükəsizliklərini təmin etməli və xarici qüvvələrin qarışıqlıq yaratmalarına icazə verməməlidirlər. İran isə heç bir şəkildə xarici ölkələrin regionun işlərinə müdaxilə etməsinə səssiz qalmayacaq".