İran Səudiyyə Ərəbistanının Tehrandakı müvəqqəti işlər vəkilini Xarici İşlər Nazirliyinə çağıraraq nota verib.

Axar.az xəbər verir ki, notanın verilməsinə səbəb Yəmənə humanitar yardım daşıyan İran təyyarələrinin qarşısının Səudiyyə Ərəbistanının qırıcıları tərəfindən alınması olub.

İran rəsmiləri təyyarələrin Oman-Yəmən marşrutu istiqamətində uçmasına razılıq alıb və humanitar yardımın çatdırılması Beynəlxalq Qırmızı Xaç Komitəsi ilə koordinasiya edilib.

Lakin Səudiyyə Ərəbistanının qırıcıları İran təyyarələrinin Yəmənə enməsinə iki dəfə mane olub və onları geri dönməyə məcbur edib.