"Putin Azərbaycanın adını çəkmədən "üçüncü ölkələrdən biri vasitəsilə" deyə bilərdi.

Axar.az xəbər verir ki, bu açıqlama ilə politoloq Elxan Şahinoğlu çıxış edib. Putinin "Rossiya 1" kanalında nümayiş olunan "Prezident" filmindəki çıxışını şərh edən politoloq onun Azərbaycana xüsusi mesaj verdiyini bildirib:

"Putin 1990-cı illərin sonunda ABŞ kəşfiyyatı ilə çeçen mücahidlər arasında kəşfiyyat əlaqələri haqqında danışarkən bir anlığa susdu və Azərbaycanın bu əlaqələrdə adının çəkilməsinə üstünlük verdi. Yəni Putinin sözlərindən belə çıxdı ki, Vaşinqton bütün işlərini Azərbaycan üzərindən görüb. Hətta belə faktlar olubsa da, Putin Azərbaycanın adını hallandıramadan ən azından "üçüncü ölkələrdən biri vasitəsilə" söyləyə bilərdi. Putin Azərbaycanın adını mənfi mənada çəkməklə bizə mesaj verir ki, Rusiyanın bölgədə müttəfiqi Ermənistandır və Dağlıq Qarabağ məsələsində İrəvanın mövqeyini dəstəkləyir, Azərbaycana isə inanmır".