"Təkcə kürdlər deyil, Yaxın Şərqdəki bütün ölkələr, xüsusilə İsrail ABŞ-İran yaxınlaşmasından narahatdır".

Axar.az xəbər verir ki, bu açıqlama ilə kürd professor Naaru Zargos çıxış edib.

Onun sözlərinə görə, kürdlər üçün 500 il əvvəlki tarix yenidən təkrarlana bilər:

"Məncə, biz çətin durumla qarşı-qarşıyayıq. Təkcə, kürdlər deyil, Yaxın Şərqdəki bütün ölkələr, xüsusilə İsrail ABŞ-İran yaxınlaşmasından narahatdır. Kürdlər bu məsələdən çox qorxurlar. Tarixin yenidən təkrarlandığını hiss edirəm. Bir tərəfdən Osmanlı imperiyası, digər tərəfdən isə Səfəvi imperiyası arasında qaldığımız 1500-cü illərə yenidən dönürük. İran hədəflərinə çatmaq üçün kimyəvi və nüvə silahları istehsal etmək istəyərsə, biz sendviç kimi arada qalacağıq. Biz kürdlər bu dəqiqə ABŞ-la İran arasındakı anlaşmadan məmnun deyilik. İranın hiyləgər olduğunu və bu cür də davrandığını bilirik. Biz İranın gizli gündəminin olduğunu düşünürük. Bu gizli əməllər bütün bölgəni təhlükəli vəziyyətə gətirir".