Çində Guanşi əyalətinin Yulin şəhərində hər il 21 iyunda keçirilən və minlərlə it-pişiyin öldürülməsi ilə müşayiət edilən festivala qarşı 15 şəhərdə etiraz yürüşü keçirilib.

Axar.az-ın verdiyi məlumata görə, heyvan haqları müdafiəçilərinin illərdir qarşı çıxdığı festivala bu il sosial mediada reaksiyalar daha sürətlə böyüyüb.

Festivalın mahiyyətində Çin əfsanələri dayanır. İnama görə, it əti pis ruhları uzaqlaşdırır və cinsi gücü artırır.

Heyvan haqları fəallarından və Qərb ölkələrindən gördükləri etirazlardan narahat olan yerli xalq isə ənənələrinə hörmət edilməsinin lazım olduğunu müdafiə edir.