Çeçenistanda "kriminal general" Əziz Batukayevin təşkilatçılığı ilə qanuni oğruların "sxodka"sı baş tutub.

Axar.az xəbər verir ki, bu barədə informasiyanı "Rosbalt.ru" saytı özünün etibarlı mənbələrinə istinadən yayıb.

Mənbənin məlumatına görə, görüş Qudermes rayonunun Djalka kəndində keçirilib. Görüşdə məşhur qanuni oğru Oleq Şişkanov da (Şişkan ləqəbli, slavyan qruplaşmasının liderlərindəndir – red.) iştirak edib. Qanuni oğrular "sxodka" zamanı Çeçenistanda fəaliyyətlərinin genişləndirilməsini, Kaxa ləqəbli Kaxaber Parpaliyanın taleyini (Parpaliyaya qarşı kifayət qədər güclü çeçen ailələrindən biri qan davası elan edib – red.) və digər məsələləri müzakirə ediblər.

Qeyd edək ki, "sxodka"nın təşkilatçısı Əziz Batukayev əslən Qırğızıstandandır. O, 2014-cü ildə Çeçenistanda həbs olunduqdan sonra ölkəsinə ekstradisiya olunmayıb. Amma maraqlı məqam orasındadır ki, Batukayev gözlənilmədən 2015-ci ildə azadlığa çıxıb. Onun azadlığa buraxılmasının səbəbi isə hələ də bilinmir.