2021.09.19. 19:00

İspaniyanın Palma adasında (Kanar adaları qrupu) ardıcıl zəlzələlərdən sonra vulkan püskürməsi başlayıb.

Axar.az xəbər verir ki, bu barədə EFE agentliyi məlumat yayıb.

Adada yerləşən təxminən 40 nəfərlik kiçik qrupun təxliyə edildiyi bildirilib.

Qeyd edilir ki, son dövrlərdə adada seysmik aktivlik hiss olunmaqdadır.

***

Palma adasında vulkan püskürmə zamanı yaranan lavalar yaşayış məntəqəsinə çatıb.

Məlumata görə, ən azı bir yaşayış binası tamamilə lava ilə əhatə olunub.

"İspaniya kralı Filip VI bu gün Palma adasında vulkanın püskürməsi ilə maraqlanmaq üçün mənə zəng etdi. O, baş verənləri izləyir və Palma xalqına dəstəyini bildirdi",- deyə Kanar adaları muxtar icmasının prezidenti Angel Torres Tvitter səhifəsində yazıb.

***

İspaniya hökuməti Palma adasından 10 minə yaxın insanı təxliyə etməyi düşünür.

“Təxminən 5-10 min insan təxliyə olunacaq”, - deyə Kanar adaları muxtar icmasının məlumatında deyilir.