PKK rəhbərlərinin böyük bir qismi Qəndil adlanan ərazini tərk edib.

Axar.az xəbər verir ki, Türkiyə Silahlı Qüvvələrinin bölgəni bombalamasından sonra PKK rəhbərləri 3 yerə ayrılıb.

Türkiyənin hərbi hava qüvvələri Qəndil, Zaho, Zap, Mətnə və Hakurk düşərgələrini bombardman edib.

PKK rəhbərlərinin bir qisminin İrana keçdiyi, digər hissəsinin isə Suriyanın Cizirə bölgəsində gizləndiyi bildirilib.

Bölgədən verilən digər məlumatda təşkilatda hərbi təhsil verən müəllim Nurəddin Dəmirdaşın yaralandığı bildirilib. Ancaq yerinin harada olduğu tam dəqiq bildirilməyib.

Qeyd edək ki, bir neçə gündür media orqanları HDP başqanı Səlahəddin Dəmirdaşın qardaşı Nurəddin Dəmirdaşın yaralanması barədə xəbərlər yaymışdı.