Donetsk və Luqansk bölgələrinə yaxın əraziyə canlı qüvvənin və hərbi texnikanın yaxınlaşması Kiyevin avqustun 24-də qeyd olunacaq Müstəqillik günü ərəfəsində qələbə əldə etmək istəyi ilə bağlıdır.

Axar.az xəbər verir ki, bu açıqlama ilə Donetskdən olan politoloq Vladimir Kornilov çıxış edib.

Onun sözlərinə görə, Kiyev Donbasa hücum etsə, Ukrayna ordusu növbəti dəfə sarsıdıcı məğlubiyyətlə üzləşəcək:

"Ukraynanın Donbasa hazırkı hücumu Müstəqillik günü üçün şərti olaraq qələbə əldə etmək niyyəti ilə bağlıdır. Onların avqustun 24-ü Donetskdə parad keçirmək arzusu növbəti İlovaysk və ya Debalçevo ilə qurtara bilər".