Rusiya Prezidenti Vladimir Putin Gürcüstanı cəzalandırmaq məsələsini çoxdan planlaşdırmışdı.

Axar.az xəbər verir ki, bunu "Novoya qazeta"ya müsahibəsində Gürcüstanın eks-prezidenti Mixail Saakaşvili söyləyib.

Onun sözlərinə görə, Putinin addımlarında heç vaxt spontanlıq olmayıb:

"O, Krımı çoxdan tutmağa hazırlaşırdı və bunun üçün plan hazırlanırdı. Bu cür axmaqlıqları təkrarlamaq lazım deyil ki, Maydan olmasaydı, Krım Ukraynanın tərkibində qalacaqdı. Ukraynada başqaları da qələbə qazansaydı, onları millətçi adlandırıb Krımı Rusiyaya qatacaqdılar. Gürcüstan rəhbərliyində mən yox, başqası olsaydı, yenə də eyni ssenarini təkrarlayacaqdılar. Putinin mənə qarşı heç bir hissi yoxdur. Ümumiyyətlə, bu adam şəxslərlə az maraqlanır".