Avropa İttifaqı qaz tədarükünün genişləndirilməsi ilə bağlı ABŞ, Norveç, Qətər, Azərbaycan, Əlcəzair və digər ölkələrlə əlaqə saxlayır.
Axar.az xəbər verir ki, bunu AB-nin xarici işlər və təhlükəsizlik siyasəti üzrə ali nümayəndəsi Jozep Borrell deyib.
“Qısamüddətli perspektivdə qaz təchizatının təhlükəsizliyinin təmin edilməsi kimi aktual problemlə üzləşirik, bu problemi həll etməliyik - bu, marşrutların və idxal mənbələrinin şaxələndirilməsinin genişləndirilməsini nəzərdə tutur. ABŞ artıq Avropaya ən böyük mayeləşdirilmiş təbii qaz (LNG) tədarükçüsüdür və biz yaxın aylarda qaz tədarükünü təmin etmək üçün əməkdaşlığımızı intensivləşdirəcəyik. ABŞ-dan başqa biz Norveç, Qətər, Azərbaycan, Əlcəzair və digər ölkələrlə də LNG tədarükünü genişləndirmək üçün danışıqlar aparırıq”, - Borrell qeyd edib.