İngiltərənin "Qardian" qəzeti Macarıstanın Baş naziri Viktor Orbanı tənqid edib.

Axar.az xəbər verir ki, yazıda Avropanın qaçqın böhranına biganə münasibət sərgiləyən Orbanın "Qaçqınlar xristian köklərimizə təlükədir" ifadəsi ölkə tarixinə ləkə olaraq qiymətləndirilib:

"Avropa qorxunc Orbana qarşı tədbir görməlidir. Əksəriyyəti Suriyadan olan çarəsiz insanlar Budapeştdə Keleti stansiyasında saxlanıldı, gözyaşardıcı qaz istifadə edən macar polisi tərəfindən qovuldu. Həftə sonunda bəzi məhdudiyyətlərin qaldırılmasından sonra qaçqınlar Almaniya və Avstriyaya getmək üçün yola salındı. Macarıstanın İnsan hüquqları üzrə rəisi ölkənin imicinə bir ləkə olaraq tarixdə qalacaq".

Qəzet daxili siyasətdə "diktatura rejimi" quran Orbanın cəzalandırılmasını tələb edib:

"Orban bir müddətdir ölkəsinin imicinə böyük zərər verir. O, demokratik prinsipləri tapdaladı, səlahiyyətləri sağçı Fidesz Prtiyasında cəmləşdirdi, mühakimənin müstəqilliyini təhdid etdi, mediaya qarşı zorakılıq göstərdi. O, rus lider Putinlə həmrəylik nümayişləri etdirərək Avropa Birliyinin Ukrayna böhranı qarşısında birlik nümayiş etdirməsinə əngəl törətdi. Macarıstan qitənin geri qalanını idarə edəcəkmiş kimi səssizcə yoluna davam edir. Qaçqın böhranının yaşandığı bir mühitdə "Orban problem" artıq daha aşkardır və vəziyyət daha da pisləşir".