ABŞ-ın gizli diplomatik yazışmalarını bütün dünyaya faş edən "Vikiliks"in qurucusu Culian Assanc B.Əsədlə bağlı təəccüblü iddia səsləndirib.

Axar.az xəbər verir ki, C.Assanc, Suriyada Bəşər Əsədin devrilməsi planının vətəndaş müharibəsi başlamazdan illər əvvəl ABŞ-ın gündəmində olduğunu bildirib.

Rusiya mətbuatına açıqlama verən C.Assanc iddiasına qaynaq kimi Vaşinqton-Şam arasında 2006-cı ildə aparılan yazışmaları göstərib. Onun sözlərinə görə, ABŞ-ın məqsədi Suriya hökumətində çevriliş narahatlığı yaradaraq Şam rəhbərliyinin kəskin reaksiya verməsi olub.

Gizli sənədlərdə sünni-şiə qrupları arasında gərginlik yaratmaq üçün nələr törədilə biləcəyi də müzakirə edilib. C.Assancın bu iddiası "Vikiliks sənədləri" adlı kitabında yer alıb.