Bu hadisəyə görə çox məyusam. Panikaya düşdüyüm üçün özümü itirib o adama təpik atmışam.

Axar.az xəbər verir ki, bunu macar reportyor Petra Laszlo deyib.

Macarıstan-Serbiya sərhədində qucağında övladı ilə polisdən qaçan suriyalı ataya badalaq vuran qadın jurnalist əməlindən peşmanlığını dilə gətirib.

Onun sözlərinə görə, xeyli sayda mühacir polis kardonuna doğru yaxınlaşıb və qarşıdurmalar yaşanıb. Bu zaman özünü qorumaq istəyən reportyor bu addımı atmalı olub:

"Belə məqamlarda soyuq reaksiya göstərmək çətin olur. Mənim də övladım var. Bu hərəkətimə görə məsuliyyətimi başa düşürəm və çox təəssüf edirəm".

Qeyd edək ki, qadın reportyora ən sərt tənqidlər də məhz Macarıstan müxalifətindən gəlib.