Rusiya Suriyada Krım variantını reallaşdıra bilər.

Axar.az xəbər verir ki, bu sözlər jurnalist Əmir Tahirin "Nyu York Tayms" qəzetindəki köşəsində yer alıb. Onun sözlərinə görə, əgər Krım variantı tətbiq edilsə, o zaman Suriyanın bir hissəsi işğal ediləcək:

"Rusiya bu variantları uğurla sınaqdan çıxarıb. Birinci sınaq isə 2008-ci ildə Gürcüstanda baş tutmuşdu. Rusiya bu siyasəti sayəsində bir neçə il ərzində Osetiyadan Çeçenistana gedən yolları nəzarət altına aldı, Abxaziya vasitəsilə Rusiyanın Qara dənizdəki hökmranlığını genişləndirdi, Krımda Rusiyanın hərbi dəniz donanmaları üçün böyük bazaları əlində saxlamağı bacardı, Donbasda isə o, Kiyevə qarşı yönələn siyasi tapança əldə etdi. Növbəti istiqamət Rusiya bazalarının yerləşdiyi Tartus və Latakiya olacaq. Lakin Moskva Suriyada dayanmayacaq. Ondan sonrakı əsas hədəflər isə Moldova və Latviya olacaq".