Səudiyyə Ərəbistanından olan blogger Raif Bədəvi söz azadlığının müdafiəsi sayəsindəki fəaliyyətlərinə görə Londonda mükafata layiq görülüb.

Axar.az xəbər verir ki, bu barədə informasiyanı BBC yayıb. Bloggeri PEN klubun İngiltərədəki şöbəsi mükafatlandırıb.

Qeyd edək ki, Raif Bədəvi "Səudiyyə Ərəbistanının Liberal Şəbəkəsi" saytının yaradıcısıdır. Bu saytın səhifələrində siyasi və dini mövzularda müxtəlif diskussiyalar aparılıb. Bədəvinin saytı 4 il fəaliyyət göstərib. O yanvar ayında 50 şallaq zərbəsi ilə cəzalandırılsa da, sonradan sağlığında yaranan problemlərə görə qərar icra edilməyib. Hazırda o, islamı təhqir etmək suçuyla 1000 şallaq zərbəsinə və 10 il həbs cəzasına məhkum edilib.