Türkiyənin Adıyaman şəhəri ölkənin terror yuvasına çevrilib.

Axar.az xəbər verir ki, bu barədə İngiltərənin "Faynənşl Tayms" qəzeti yazıb. Məqalədə qeyd edilir ki, Suruç və Ankara şəhərlərində baş verən teraktları məhz Adıyamandan olan terrorçular törədib:

"Türkiyənin cənub-şərqində yerləşən Adıyaman şəhəri əvvəllər yetişdirdiyi tütünə görə tanınırdı. Son zamanlar isə bu şəhər yeni "şöhrət" qazanıb. Adıyaman terrorçuların yuvasına çevrilib. İŞİD-in hazırladığı kadrların əksəriyyəti məhz bu şəhərdən çıxır".

Qeyd edək ki, sözügedən şəhərin əhalisi əsasən kürdlərdir və İŞİD-in ən böyük düşmənlərindən sayılırlar.