"Vikiliks" saytı ABŞ Mərkəzi Kəşfiyyat İdarəsinin rəhbəri Con Brenanın yazışmalarını yayımlamağa başlayıb.

Axar.az xəbər verir ki, bu barədə informasiyanı Rusiya mətbuatı yayıb. Yayılan məlumatlar Brenanın ABŞ-ın kəşfiyyat fəaliyyətinə aid olan yazışmalarıdır. Bundan başqa, Brenanın MKİ rəhbəri olmazdan əvvəl doldurduğu 47 səhifəlik anket də yayımlanan məlumatlar sırasında olub. Məhz bu anketin içərisində MKİ şefinin bütün şəxsi məlumatları yer alıb. Yazışmalarda 11 Sentyabr teraktında şübhəli bilinən şəxslərə qarşı hansı işgəncələrin verilməsinə də aydınlıq gətirilib.

Qeyd edək ki, Con Brenan 2013-cü ildən ABŞ Mərkəzi Kəşfiyyat İdarəsinə rəhbərlik edir.