2023.08.23. 22:58

“Vaqner” rəhbəri Yevgeni Priqojini şəxsən tanıyan insanlar onun və sağ əli Dmitri Utkinin ölüm xəbərini təsdiqləyir.

Axar.az xəbər verir ki, bu barədə Rusiya Teleqram kanalları məlumat yayıb.

İddia edilir ki, şəxsi təyyarədə olan 7 sərnişin Priqojin də daxil olmaqla, “Vaqner”in komandanlığında təmsil olunan şəxslərdir.

Qeyd edək ki, Moskvadan Sankt-Peterburqa gedən şəxsi təyyarə Tver vilayətində qəzaya uğrayıb. Təyyarədə olan 3 ekipaj üzvü və 7 sərnişinin hamısının öldüyü bildirilir. İndiyə qədər 8 nəfərin meyiti tapılıb.

Sərnişinlərin siyahısında Yevgeni Priqojinin də adı var.

Şahidlərin sözlərinə görə, təyyarə qəzaya uğramazdan öncə iki dəfə güclü partlayış səsi eşidilib. Təyyarənin zenit-raket kompleksi ilə vurulduğu da iddia edilir.

***

"Gray Zone" Teleqram kanalı təyyarənin qalıqları altından çıxarılan 7 (Rusiya FHN 8 cəsəd çıxarıldığını bildirib) cəsəddən ikisinin Yevgeni Priqojin və Dmitri Utkinə aid olduğunun müəyyən edildiyi haqda məlumat yayıb.

***

“Rosaviasiya” Yevgeni Priqojin və Dmitri Utkinin qəzaya uğrayan təyyarənin göyərtəsində olduğunu təsdiqləyib.