ABŞ Silahlı Qüvvələrin Mərkəzi Komandanlığının (CENTCOM) Yaxın Şərqdəki məsuliyyət zonasına əlavə 300 hərbçi göndərəcək.

Axar.az xəbər verir ki, bu barədə Pentaqonun mətbuat katibi Patrik Rayder deyib.

Onun sözlərinə görə, Yaxın Şərqdəki əlavə Amerika qüvvələri bölgədə artıq yerləşdirilmiş qoşunlara partlayıcı sursatların zərərsizləşdirilməsi, kommunikasiyaların saxlanması ilə bağlı köməklik göstərəcək.

Rayder qeyd edib ki, Yaxın Şərqə göndərilən əsgərlər İsraildə döyüş əməliyyatlarına cəlb edilməyəcək.

Qeyd edək ki, İsraildə müharibə başlayandan sonra ABŞ Yaxın Şərqə iki aviadaşıyıcı, onları müşayiət edən çoxsaylı gəmi ilə bərabər, 1000 əsgər göndərib.