Livanın paytaxtı Beyrutda Belçika xarici işlər naziri Maksim Prevonun rəhbərlik etdiyi nümayəndə heyətinin olduğu yerin yaxınlığına kütləvi raket zərbələri endirilib.

Axar.az xəbər verir ki, bu barədə belçikalı nazir X səhifəsində yazıb.

Onun sözlərinə görə, Belçika nümayəndə heyəti səfirlikdə olarkən raketlər bir neçə yüz metr aralıya düşüb.

Nazir bildirib ki, hadisə Livan Prezidenti Cozef Aunla söhbətindən qısa müddət sonra baş verib.

"Bu gün Livan hakimiyyətinə tam dəstəyimizi və İsrail ilə Hizbullah arasındakı amansız münaqişədən zərər çəkmiş ailələrlə dərin həmrəyliyimizi ifadə etmək üçün Beyruta gəldim", - deyə o əlavə edib.