İran Qəzzada atəşkəs əldə olunarsa, İsrailin Dəməşq konsulluğuna endirdiyi hava hücumuna cavab verməkdən imtina edəcəyi barədə ABŞ-ı məlumatlandırıb.

Axar.az xəbər verir ki, bunu aprelin 8-də “Yerusəlim Post” qəzeti İranın “Jadeh Iran” agentliyinə istinadən yayıb.

İran portalının məlumatına görə, belə bir məlumat anonim ərəb diplomatik mənbəsindən daxil olub:

“ABŞ vəziyyəti cilovlaya bilsə, bu, Bayden administrasiyası üçün böyük uğur olacaq və biz buna inkişaf etdirə bilərik”, - mənbə bildirib.

Qeyd olunur ki, bu məlumat Qahirədə İsrail və HƏMAS arasında atəşkəs və girovların azad edilməsi üzrə danışıqların getdiyi və Təl-Əvivin hava hücumuna mümkün cavab hazırlığını davam etdirməsi fonunda ortaya çıxıb.